Plantun de Prouvènço

Pèr coumpara dos planto d'encò nostre

Typha angustifolia & Platycapnos spicata

Fielouso

Typha angustifolia

Typhaceae

Àutri noum : Filouso, Paviho-negro, Cire, Sagno, Masseto.

Noms en français : Massette à feuilles étroites, Quenouille à feuilles étroites.

Descripcioun :
Ei pas toujour eisa de destria aquesto fielouso dis àutri paviho. Typha angustifolia a li fueio mens larjo (3-7 mm) aleva d'aquéli di rejit que podon èstre mai larjo (2 cm). A peréu d'auriheto bèn dessinado (fotò) enca qu'acò èi de vèire emé l'auturo de la fueio ! Lou mies es encaro la distànci que desseparo l'espigo masclo de la femelo que fai aperaqui 3,5 cm.

Usanço :
Li fueio de fielouso podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.

Port : Grando erbo
Taio : 1 à 2 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Typha
Famiho : Typhaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 9 à 74 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Estang - Roubino - Ribiero
Estànci : Termoumediterran à Coulinen
Couroulougi : Bourealo
Ref. sc. : Typha angustifolia L., 1753

Fumo-terro(-en-espigo)

Platycapnos spicata

Papaveraceae Fumariaceae

Nom en français : Fumeterre en épi.

Descripcioun :
Aquéu fumo-terro dóu gènre Platycapnos que ié dison "en-espigo" èi proche di Fumaria. Se n'en destrìo que li flour fan une grapo au soumet qu'escound la cambo. Trachis dins li champ, ermas e la sablo.

Usanço :
Es uno planto proun amaro couneigudo pèr èstre "tounico". Ei vertuouso contro lou mau-de-terro e li proublèmo de péu.

Port : Erbo
Taio : 5 à 40 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Platycapnos
Famiho : Papaveraceae
Famiho classico : Fumariaceae

Ordre : Ranunculales

Coulour de la flour : Roujo
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Camin - Escoumbre e proche dis oustau - Sablo
Estànci : Termoumediterran à Mesoumediterran
Couroulougi : Pancaro entresigna
Ref. sc. : Platycapnos spicata (L.) Bernh., 1833 (= Fumaria spicata L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Typha angustifolia & Platycapnos spicata

ges

Coumpara Fielouso emé uno autro planto

Coumpara Fumo-terro(-en-espigo) emé uno autro planto